Bim Pfingschtspatz kasch au aifach schetze,das duet denn d Reegle nit verletze!
In siibe Dääg, das isch famoos,goots ändlig mit däm Pfingschtspatz loos!
Dr Christoph isch e groosse Schatz,är zaichnet ys e satte Spatz! Dr Franz isch au e groosse Schatzund git ys d Gschicht zu sällem Spatz.
E Bligg in d Zuekunft:Dr Hiltmaa wird Regierigsroot,Birsfälde kunnt in grossi Noot.Wär kaa die Noochfolg iibernee?Ischs aine vo dr eSVauPee?Ooder nur no fimf go weele?Und d CeVauPee e bitzi gweele?
Dr Videobewyys wäär gar nit laid,statt soone Daatsacheentscheid!
Dr Blattmaa bykunnt in syner groosse Noot,statt Eier Wasserfläsche fiir dr Nootvorroot.
Liebe, liebe Oschterhaas,leg du miir e Ei ins Gras.
Dr Stau z Birsfälde isch jetz glyy,in zwei, drei Joor villicht verbyy.
Dr erscht April isch jetz verbyy,jetz mien mr wiider ordlig syy.
Bi dr FINMA wird schnäll iiber Nacht,halt doch dr Bogg zem Gärtner gmacht.
Finf Gmaindreet wäre gnue,wenn alli guet dien schaffe,e baar die nämmes mit dr Rue,und dien nur ummegaffe.Villicht wurdi mit Transparänz,sichtbar, wär nimm kunnt in d’Kränz?
Die kleinschte Brötli im Gmeindroot merksch voll Schreck,backt usgrächnet dä mit Name Oberbeck.
Dr Nessi gwagglet uff dr Haupt-stroos umme,leitet dr Verkeer, dä luut, um d Laitere umme.De Fääne aa, das gseesch jo wirgglig glyy,Muess näggschstens z Blätz denn Faasnacht syy.
Dr Blocher wird no Brüssel gschiggt,dert griegt är ains um d Oore zwiggt.
D Finanzkommission macht dr Lauber zittere,will d Gmainde jetzt e bitz Morgeluft wittere.
Im Museumsarchiv ganz zunderscht unde,hett me n emool e Liftblaan gfunde.
Shutdown – unseri Gmaind die hett kai Gäld,mr mache alles zue und ruume s Fäld.
Mr mache scho die lengschti Zyt dr Pfau,fiir d Redaggzion do sueche mir e Frau.S wär zue scheen, si mäldeti sich glyy,si muess nit Däschefetischischtin syy.
Mediesprächer und Politberooter, das alles isch ganz scheen – wenn goot er?
Dr Muurer Ueli maint dr Gripen syg dr Vogel Gryff, diryff dyff dyff und s Hemmli styff. Und doos dr Vogel Gryff scho lengschtens git, bruuche miir dr Gripen nit.
Dr Christof Hiltmann blanget immer no e weenig, uff dä unerwartet saagehafti Lottokeenig.
D Coop-Bangg duet, das isch e Digge, d Kopie au grad ans Styyramt schigge!
Die baide Basel kenne rueig zämme fusioniere, d Regierige vo baide Syte dien heftig abgarniere.
Nai, nai, sait d Redaggzion und muess e bitzi lache, fir s näggscht Adväntskaländer.li kasch kai Aamäldig mache!
Im Joggeli – de muesch nit lache,wänn si jetz e Fümoir mache!