We are sin­ging now for you
with a Ban­jo and Pic­tures too
„Dot Shi­ter“ is the name of the Band
„dasch Wält­kul­tur“ you understand

 

 

 

 

 

D EU will Gäld und das nit z knapp
drum schläggt dr Jun­ker d Leu­thard ab
die rich­tig Ant­wort wär fir dä
e Schutt in Arsch vom Constantin

 

 

 

 

 

Wenn me dr Acker­mann e Tipp darf gäh
sie sott sich dr Roger als Vor­bild näh
er gewinnt Satz um Satz uff jedem Platz
sie stag­ge­let scho im erschte Satz

 

 

 

 

 

Statt Krang­ge­kas­se zah­le wo viel koschte
dien mer lie­ber dääg­lig e ipho­ne boschte
s hais­st doch immer, dasch nit ney
an apple a day keeps the doc­tor away

 

 

 

 

 

 

Hänn sie im Glas no e Räsch­te­li Wy
s kunnt grad ebber und samm­lets y
kippts in e Flä­s­che, alles mitenand
s git Staats­wy fir s arme Baselland

 

 

 

 

 

 

Vom Här­stel­ler drifft e Warnig y
Gift soll in de Matra­ze sy
bi Mar­tullo Blo­chers basst me uff
aber dert liggt s Gift jo obe druff

 

 

 

 

 

Fir e uner­winscht Buschi, dasch brutal
hetts e Buschik­lap­pe im Spital
wenn denn d AHV nimm zah­le ka
gits e Senio­re­klap­pe näbedra

 

 

 

 

 

 

Gra­ci­as Mat­ti, Del­ga­do olé
fir die tol­le Spiel bim FCB
jetzt muesch nur no, syg bit­te so guet
em Wes­sels zai­ge, wie me zrugg drät­te duet

 

 

 

 

 

 

S duet s Gsicht erken­ne, das ipho­ne Zäh
de muesch kai pass­wort me ygäh
hesch d Lar­ve a, machts aber schlapp
uff em Dis­play stoot, zieh d Bur­ka ab

 

 

 

 

 

 

„Mir hät­te gärn zwai Stan­ge“, hänn mer gsait
das hett d Käl­l­ne­rin gar nit vertrait
„me too“ hett sie gschraue, die spinnt e bitz
bsch­tell bi dää­re nie, e Apé­rol Spritz

 

Birsfälder Schnitzelbängg 2018: "Spyyrhind"
D Maya sait zem Willi: Unhaimlig isch die Stilli

Deine Meinung

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.