Impfagg­ti­on bim Bundesroot
wo sich im ghai­me stä­che loot
so seht nit jede, dasch s Gue­te dra
wie me e Bun­des­root bestä­che ka

Bim Embo­lo sigs falsch gloffe
er haig halb­blut­ti Fraue droffe
völ­lig dernä­be, wo fieh­rt das hi
bi uns wäre die frieh­ner ganz blutt gsi

D Stu­be abgfag­glet, ai Wand isch wägg
und die ganz Kuchi vol­ler Drägg
dasch halt so, machet kai Gschyss
bine­re RS im Homeoffice

(Melo­die: I bi ne Italiano)
I bi dr Trai­ner Schiriaggo
und stegg ganz dief im Gaggo
mir grie­ge immer uff e Saggo
und i waiss nit was maggo

D Blag­ged­de stellt e Schys­si­rol­le dar 
das Sujet isch doch sunneklar
dr gross Arsch z Ame­ri­ka isch nimm do
und bi uns isch dr Eric Weber ko 

Uns hetts im Pis­soir fascht ebbis gäh
me sott zwai Meter Abstand näh
aber wie soll me denn bim saiche 
so d Schyss­le und nit d Schai­che braiche 

(Melo­die Hey Jude) 
Hey Joe hesch d Pil­le gno
s Botox hesch jo scho gescht bikoh
due d Zehn iine, leg bit­te s Hör­grät a
du bisch jetzt dr Scheff vo Amerika

Z Nord­ko­rea lacht dr glai digg Kim
iber dä doo­fi Yan­kee Wahl Klimbim
sie zel­le und zel­le, dasch nit normal
bi mir kennsch s Resul­tat scho vor dr Wahl

Mir hänn dänggt wo dr Roger sin­ge duet
dä wär in uns­rem Bangg no guet
machi gärn sait er, wo mer agf­roggt hänn
wenn ihr im Djo­ko­vic uff d Schnu­u­re gänn

Dr SVP Glar­ner isch nit sensibel
und sait Arschlam zu dr Sibel 
das zai­gt ditt­lig und isch allerhand
sy Arsch isch z nooch bi sym Verschtand 

Me froggt sich z Chi­na und z Amerika 
wie grifft me d Schwiz am besch­te a
die neye Flie­ger­li sinn nit s Problem 
aber die vie­le Wölf sinn scho extrem 

Lie­be Ham­pe Wes­sels vie­le Dangg
fir die vie­le Sujet in uns­rem Bangg 
bi alle ande­re hesch, sisch eso
nit emool e Parglug­ge hinterlo

Hesch poli­tisch nit die rächt Idee 
diens dr z Russ­land Gift in Tee
bi uns lauft das nit so brutal
d Mar­tullo-Blo­cher spuggt ihr Gift in Saal

Ob hete­ro, les­bisch oder schwul
Ehe fir alli fin­de mer cool
aber Same­spänd, wo fieh­rt das hi 
dasch bis jetzt dr Job vom Pösch­t­ler gsi 

Ain stoot im Lade ohni Masg­ge do 
und hett der­fir e Zäm­me­schyss bikoh 
i bi in ere Gug­ge sait är knapp
do ziehsch nach finf Minu­te d Lar­ve ab 

Schatz, sait d Frau Meri­an zem Maa 
wel­les Coro­na Mäs­ge­li leg i a 
egal wel­li Farb, es isch perfeggt
wenn die nie­mer kennt und s d Runz­le deggt 

Fuess­ball im Färn­seh, Fyyr im Zimmer
Bier am Bode, dr Rauch isch schlimmer 
S wird gröölt in dr Stu­be, Böl­ler krache 
d Mut­ten­z­er­kur­ve duet Home­of­fice mache 

Zwei­hun­dert­fuff­zig Blatt, drei dau­s­ig Stigg
denn wird nach Räch­nig mit viel Gligg
in ebbe zäh Joor, ziehsch d Ferie ab
s Schys­si­ba­by­yr bi uns dehai knapp 

Schaltsch dr Färn­seh y lidisch Quale
jede Daag die Coronazahle
um di no me z bloo­ge kunnt oje 
dr Fischer Bett­wa­re vom Zirisee 

Händ wäsche, Masg­ge a Abstand näh
mit dr Fuscht gries­se, kai Schmutz me gäh
jetzt waiss dr hin­derscht und letsch­ti guet
wie me e Zir­cher begries­se duet 

E Zügel­fritz lyt­tet em Baschi a
ob er bim Büro ruume Hilf miess ha
das wär nätt, y schaffs nit elai
brin­get mer d Wäsch­ma­schi­ne wie­der hai 

Krähenlyrik 15: Heute Friedrich Nietzsche
Schparflamme Fasnacht 2021, hit; Spyyrhind

Deine Meinung

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.