Pizza-Blitz 2024

Wie syt zää Joor gits im Pünggt.li zur Fas­nacht all Daag dr Zeedel vome Schnitzlb­angg, wo zwar us Blätz isch, aber num­me z Basel Gas­si goot. Das Joor star­te mer mit eme­ne Bangg, wo bis hit nur im Roxy gsun­ge het, in dr Bangg­wärggs­tat. Uff e n aige­ni Melo­die hänn si sich non­ni ken­ne feschtlege. 
Ä Bangg vo do, wo num­me in Birsfäl­de uff­dritt: Dr Pizza-Blitz.

Vo n ä baar Bängg häm mer no kai­ni Hel­ge bykoo, wär waiss, vil­licht kunnt no ebbis. Au dräf­fe mer si per Zue­fall uf dr Gass, denn brin­ge mr dr Zeedel mit.
Wie alle­wyl häm mer kai Ver­ant­wor­tig fir Poin­te, Syntaggs oder Orto­graviicher, die ligt bi de Värs­likinsch­tler. Mir wün­sche ä schöö­ni Fas­nacht, d Redaggtion.
PS.: Dr Titel­hel­ge het dr Chis­toph Gloor vor zää Joor fir uns zaichnet.

Birsfälde mio, du kasch nit blaane
Birsfälde mio, kunnsch niene aane
Birsfäl­de, Birsfälde mio
So stöön mir doo und sind nit froo.

An dr Gmei­ni mir disggutiere
Viili Blään­li für Gwartiere
Au eins für unser nöies Centro
Mit viili Lää­be dus­se und dentro.

Birsfälde mio, si hän Näi gstumme
Birsfälde mio ‚was machsch jetz numme
Birsfäl­de, Birsfälde mio
So stöön mer doo, nit witerkoo.

Unser Dorf däig schi­int s nit loone.
Mir siige zwee­nig, wo doo woone.
S bruucht me Blatz für Lüt zum Pfuuse,
Drum baue mer ganz hoo­chi Huuse.

Birsfälde mio, wenn z ooberscht sitza
Birsfälde mio wääg Mieti schwitza
Birsfäl­de, Birsfälde mio
Käi Bro­bleem, mir brin­ge Pizza.

°*°*°*°*°*

Frie­ner sin mer als noch Gänf füür tol­li Auti z gsee:
Mer­cee­des, Audi, Por­sche und e Huf­fe BeeEmWee.
Jetz loo­nt daas nümm, nur Ee-Mobil! Es isch jo viil mee loos
Bi uns dehä­i­me in Blätz­bums an unse­rer Hauptstroos

Im Stau, im Stau, im Stau, im Stau, ho-duli-dul­i­du­l­i­du, Im Stau, im Stau, im Stau, im Stau, ho-duli-dul­i­du­l­i­du, Im Stau, im Stau, im Stau, im Stau, ho-duli-dul­i­du­l­i­du, so stöön si jee­de n Oobe doo, gliich wie s Wätter au.

S het Beb­bi, Wag­gis, Bel­gi­er, und e Schwet­ti Schwoobe
Vor Biirs­brugg bis zer Schu­el­stroos und bis zur Haard ganz oobe.
Dr Die­go mit siim Hund stoot döört und nimmt se unter d Luupe.
Wenn s scham­paar an de Näär­ve riisst, föön si afo huupe.

Im Stau, im Stau, im Stau, im Stau, ho-duli-dul­i­du­l­i­du, Im Stau, im Stau, im Stau, im Stau, ho-duli-dul­i­du­l­i­du, Im Stau, im Stau, im Stau, im Stau, ho-duli-dul­i­du­l­i­du, us Mitläid dien mer ab und zu Vaa­li­um verdäile.

D Haupt­stroos will me jetz sanie­re füür e baar Milioone
Mit Gräi­sel, Drämm­li, Wel­los­träi­fe, daas sol­li sich schi­ints loone.
Miliaar­de für e Riidun­nel und waas händ mir drvoo?
Am Änd sind Wald und Gäär­te wägg, nuur d Auti sind no doo.

Im Stau, im Stau, im Stau, im Stau, ho-duli-dul­i­du­l­i­du, Im Stau, im Stau, im Stau, im Stau, ho-duli-dul­i­du­l­i­du, Im Stau, im Stau, im Stau, im Stau, ho-duli-dul­i­du­l­i­du, mer froo­ge n is wie me n äggscht dä Guguus stop­pe kaa?