Im Oral Office — entflammt e Debatte
Über Friide, Reschpäkt — und dr Sinn vo Gravatte
Dr Zelensky het vorem — Trump sich nid duggt
Wär är wie d Lewinsky — denn hätt är das gschluggt
Über Friide, Reschpäkt — und dr Sinn vo Gravatte
Dr Zelensky het vorem — Trump sich nid duggt
Wär är wie d Lewinsky — denn hätt är das gschluggt
Dr Lo-mi-draa-Deggel — lampt mir, gopferdeggel
Immer in d Schnuure, — s’ Gsöff lauft näbeduure
Und hilft das im Meer? — I bezwyyfle das sehr !
Wo s nur Deggel het ghaa, — hängt jetzt d’ Fläsche mit draa
Immer in d Schnuure, — s’ Gsöff lauft näbeduure
Und hilft das im Meer? — I bezwyyfle das sehr !
Wo s nur Deggel het ghaa, — hängt jetzt d’ Fläsche mit draa
Dank Olympia khasch jetz — d’ Saine aabe schwimme
Numme bhaltet dy Darm — ab denn nüt me dinne
Entdeckt hän d Pariser — au dr Wiggelfisch
I hoff sy tschegge, dass das kai — Doggi-Bäg isch
Es gitt e Greis mit Name Joe
Mit em schwätze klappt’s nümm so
Är fliegt uf d Schnuure — nodisno
Me mues scho froh si — kann’r schtoh
Mit em schwätze klappt’s nümm so
Är fliegt uf d Schnuure — nodisno
Me mues scho froh si — kann’r schtoh
E Riebli-Kopf mit Name Trump
E Hietli wie dr Forrest Gump
Zwei grossi Ohre, s’ ainte lampt
Bim Löchli schiesse, hänn si gschlampt
E Hietli wie dr Forrest Gump
Zwei grossi Ohre, s’ ainte lampt
Bim Löchli schiesse, hänn si gschlampt
Jetzte längt’s sait Ka-ma-la
Sone riese Ga-la-ma
Mit dene alte Hamm-el-da
Wött ich uf kai Fall nomol-ha
Sone riese Ga-la-ma
Mit dene alte Hamm-el-da
Wött ich uf kai Fall nomol-ha
Druff aabe meint dr Elon Musk
Dass’m d´Ka-ma-la nid passt
Findet dr Trump isch e Geniale
Kauft nach X — drum au no d Wahle
Dass’m d´Ka-ma-la nid passt
Findet dr Trump isch e Geniale
Kauft nach X — drum au no d Wahle
Und so gwünnt am Änd dr Dööfschti
Maint dezue är sig dr Grööschti
Jetz sin miir, kumm y trööscht di
Sogar froooh, hänn mir dr Rööschti
Maint dezue är sig dr Grööschti
Jetz sin miir, kumm y trööscht di
Sogar froooh, hänn mir dr Rööschti
