Die Wachstumslampe dert im Stadion, die find ich dr Hit
Sii gän aim s Gfyl sigsch hoch im Norde, s Gras wachst explizit.
Me sait dr Raase wachsi fast e Meter pro Minute
Drum leen sii dr Shaqiri neu, jedi Nacht lo schutte.
D Cousine, die het frisch e Kind, mir hän si welle bsueche
Mir bringe e glains Stramperli, fir d Mueter no ne Kueche
E Taxi ooni Faarer bringt uns aane, s isch e Spass
S Spital hänn mir nie gfunde, s Kind bsuecht scho die erschti Glass.
Däää Vääärs iiiisch nyt fiiiir Schnälli, däää gooots e bitsli länger
I vergiss dr Teggschd drbiii und scho han iich e Hänger
Das isch kai Langvärs, nur e Teggschd mit richtigem Know-how
Die Viertelstund isch ume, ha kai Buess, Birsfälde tschau!
