Noch drei mal schlafen, dann erwartet die Freund:innen des Pünggt.li täglich ein Tür.li unseres acht­en und stets ein­ma­li­gen Birs­felder Adventskalen­ders. Bei den vor­bere­i­t­en­den Recherchen stiessen wir auf eine baseldytsche Geschichte, nicht vom Bla­sius, nicht vom Miggeli Aeber­sold, nicht vom Minu. Zur Ein­stim­mung auf unser Kalender.li 2021, hier zu lesen:*

“Aigentlig schryb i sälte in miin­er Mueter­sch­prooch, em Baseldytsch. S isch sow­iso schwirig und s Gor­reg­gdur­bro­gramm vo mym Räch­n­er ging­gt mr schtändig ans Bai und waiss alles bess­er. Hit gits e Usnaam, und das numme wäge däm wun­der­bare Wort „Gloggezygli“.

Es het ä Zyt gää, won i no ha deerfe e Lus­bueb sii, do han i mit andere Lus­buebe zämme amme ä ganze Nomi­daag lang Gloggezygli gmacht. Nai, Maitli häm­mer nit mit­g­noo (s het säl­li Zyt au weniger Lus­maitli gä als hit). D Maitli hän no d Händ­sche aag­leg­gt und wäge de Junte nit so schnäll kenne laufe. Do dra häm­mer säll mol no glaubt.

Gloggezygli maint: Bi wild­fremde Lüt an dr Huus­glogge lütte und denne abseg­gle. Das hän nit alli glunge gfunde, mir aber scho.

Hit ka me das nimme mache, will si neui Huus­glogge erfunde hän, die mache nimm rii­i­i­i­i­i­i­i­i­i­i­i­i­i­ing so lang wie me mit em Fin­ger uff dr Gnopf drug­gt, die mache Ding Dong: aimol drugge, s isch ver­by. Die alte Huus­glogge sinn für uns Buben ä Risiko gse, wo mr hän könne schtüüre: Je länger mr drug­gt hänn, umso gröss­er isch s Risiko ver­wütscht z wärde gse. Drum het ain dr Trick mit de Zündöl­zli uuseg­funde. Är het das so behauptet, aber mir hän uuseg­funde, as em sy Göt­ti das verzellt het.

Zu unsr­er Zyt hets ebe anderi Glogge gää. Do het me kenne ä Zyn­d­heel­zli zwis­chen em Knopf und sim Raame fes­cht glemme. Kai Höl­zli us em Schächteli, nai, so ne flachs us em Briefli. So ischs Fäder­li yyglemmt gsee und het nit kenne zrug­gspigge und eso hets glütet, bis öpper ko isch und s Zünd­hööl­zli uuse zooge het.”

Anton Roth*

Wer den Text gele­sen hat, wird unschw­er fest­gestellt haben, dass es sich bei den Pro­tag­o­nis­ten um Buebe han­delt, und nicht um Maitli. Uns gefällt die Geschichte von Toni Roth, sie passt zum neuen Kaländer.li, und deshalb geben wir wegen der aktuellem Gen­derei, im Kalender.li dieses Jahr den Maitli den Vorzug. Hören sie selbst.
A pro­pos hören: Soll­ten sie ihr Gerät auf stumm, ton­los, no sound, geschal­tet haben, kön­nen sie die süss klin­gen­den Glock­en nicht hören.

*copy­right by Anton Roth

Abstimmungen/Wahlen vom 28.11.2021. - Das meint Birsfelden!
Übrige Resultate

Deine Meinung

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.