D’ Gugge die dien tschättere,
D’ Gränzacher dien wättere.
Die Alti Dante luegt blasiert,
Dr Waggis kurz in d Mängi stiert.
D’ Kinder bättle druff und druff,
S’ Mammi hebt nur s’ Seggli uff.
An dr Haltstell Dräänedaal,
Sitzt ganz ooni Luscht,
Kenntsch maine, s’ syyg e grossi Gwaal,
Dr Fasnachts-Griess-Auguscht.
Und deerte mit dr lange Naase,
Kemme ne baar Waggis z’ raase.
D’ Fyyrweer draait au iiri Runde,
aine het e Opfer gfunde.
Und an dr Hauptstroos gseesch denn au,
dert steen si immer no im Stau.