I ha nur wäg dr Annabelle, zem s Hiftgold reduziere
En Abnähmimpfig mache loo, do kasch inveschtiere
Leider han i zuegno, s Gwand isch z äng, i bi verschwitzt
Wohrschins het dr Doggder nur in d Glaider ine gspritzt
Dr Mentsch, vergliicht sich gärn mit Dier, und das scho sit Gedängge
Ganz ussgeprägt in Bundesbärn, wär ka ihm das verdängge
Sogar bim Dier vom Joor, e Schnägg, vergliicht me d Rezeptur
Es isch nit sini Langsamkait, es isch die schliimig Schpuur.
Bluuse, Pulli, Hoose, Schmuck, me het halt aifach Stiil
Es explodiert dr Glaiderschrank, Fast Fashion haisst das Spiil
Entsorgt wird schnäll nach Ghana, dasch Recycling-Alibi
Und d Halbschueh setzt me nochhaltig, z Amerika no yy.
