Wie all joor hämmer d Bänggler gfrogt: wie wär’s,
Gits ainewääg do no ne ä Hampfle Värs?
D’Frau Länzli sait, si haig scho gwäsche, sig jetzt am glette.
S nägscht Joor käm si sicher, kasch druff wette.
Au d Schlyychwärbig will das Joor kaini Värsli bringe,
me derft die soowisoo nit in dr Baiz go singe.
Will, d Baiz isch zue und Schtüei steeen uff de Tisch.
Mehlsuppe dampft nit in dr Kuchi, d Waihe isch nit frisch.
Zwei andri Bängg, die mien mir nit vermisse.
Beidi hän zwar Bitzli bschisse,
Ä Melange gmacht vo zwei Joor dichte
Jetzt kenne mir die Bschäärig sichte.
D Schysser mit emene Monschter Zeedel,
Morn findsch dä do, im Blätz-Bums-Pünggtli.
Am Fasnachtsmittwuch, denn ganz edel,
D Spyyrhind mit eme Film.
Die Weisheit zum Beitrag
E Basler muess sy Fasnacht haa,
Wills en jo sunscht emool verjaggt,
Und will er s Muul mit halte kaa,
Wenn d Fasnacht alli Basler paggt …..
Fridolin (1947)
Titelbild: Christoph Gloor
