Melodie: Meierysli — Mani Matter
Meh Schatte für Basel
Im Klybeck do kämpfe si — wirgligg kai Witz
mit Topfpflanze gege d’ Hochsummer-Hitz.
Wägem Klima lauft me im Wettschtai nit Schturm
wänn’s die e bitz kiehler, baut’ne d Roche no ne Turm.
Saudi Schutte
Bi de Saudis do humple — für sehr viel Gäld
rüschtigi Räntner über’s Kunschtrasefäld.
Nähmt me ächtsch eine wo gar nümm duet kicke?
Denn könnt mr dr Dääge in d’ Wieschti schigge.
Flüchtlingskriise
D’ Flüchtlingskriise het Europa verschtimmt.
Drum wär die meischte Flüchtling uffnimmt
verdient dr Friedensnobällpriis zur Ehr
und disjohr goht dä an’s Mittelmeer |
| Melodie: I schängg dir mis Härz – Züri Wescht
Organschpänd
Und kunsch du unter’s Tramm,
denn nämme si dis Härz,
sie könne’s ha, au wenn d´nit wotsch,
will s’ isch e Guets und es git
no ne mänggi wo’s würd näääh,
Also öppe hundertzäääh.
Au d Läbrä chasch grad gäää
Zum Schluss au no d Nieräää.
Jetzt binni denne lääär,
schreysch du vom Jensits hääär.
Jo wötsch das nit uff di nääh,
muesch halt im Tramm dr Vortritt gäää!
Melodie: Es Burebiebli – Volkslied
Seniore Gymnastik
In dr anonüme Seniore Gymnastik
do kämpfe mr gege d Alters-Schpastik.
Jetzt mien mr uns an d’ Tatsach gwöhne
s’ isch fettig mit em Gruppe Schtö-ö-öhne.
Mol füre mol hindre mit rächts oder links
Eiarm-Gymnastik joo das bringt’s!
Zum Schluss git’s no ne Häppy-Änd,
was vom Mascotte blibt sin die schtarke Händ!
Melodie: Kiss me – Sixpence none the richer
Küssli
Küssli, uff s’ Muul vo dr Hermoso,
Küssli, dr Rubialez wott nümm los loo,
Nit schlimm, es isch jo ivernähmlig!
Behauptet är, mir finde’s zimmlig dämlig.
Minischtrande lönn sich doch au no küsse,
d’ Kirche redet ihne das ins Gwüsse.
Jo und will mir zwei
dr Bischof Haas nit kenne
und nit mit dr FIFA penne,
frooge mir halt:
Wotsch e Schmützli? |
Melodie: Hemmige – Mani Matter
Helmli
Was unterscheidet denn dr Schugger vom Schimpans?
S’ isch nit die glatti Hut dr fählend Schwanz
nit dass sie alli Tesla fahre wänn,
dass si die Helmli haa wänn
Und wemme gseht was em FC Basel droht,
so gseht me wirgligg schwarz nit nur blau-rot.
Und hofft, dass wenn denn d’ Ultras schlegle wänn,
si nit die Helmli a hänn.
E Schtell als Schugger nähmt i alletwäge nie
und ‘s schiint als hättet ihr genau so Mieh.
Dr Schugger-Mangel dä isch doch am Änd
will die die Helmli a hänn
und mir drumm Hemmige hänn
| Melodie: Manish Boy – Muddy Waters
Joggeli Blues
Mängi möge Fesselschpiel,
andri schtöhn uff d’ Peitsche.
Gwüssi sin gärn Sub
und was bruuche mir?
S Joggeli
Wo schtöhn uff em Schpielfäld numme Pumpe?
Bisch e Basler? Söttsch drzue no gumpe.
Dr Nochbr pafft am Schtumpe
Und das während Schtunde…
Im Joggeli
Wo duet d’ Freud scho bim aaschtoo verpuffe?
Laufsch ins G denn no zwei Schtund uffe.
Luegsch ins A wo si Güppli suffe
Und du friersch an Arsch!
Im Joggeli
Wo triffsch die meischte Expärte aa?
Und kein isch Fründ vom schwarze Maa.
Wo eckt me an de Uswärtige aa?
Und nimmt si dra?
….Nai, bi dr SVP |
Melodie: What’s Up — 4 Non Blondes
Wegovy
I bi kürzligg zum Doggdr FMH
Uff e Schwätzli mit dr Schweschtr Gundula
Är goht no gärn uff’s Ganze
Si sait probier doch Ozempic,
E Diabetes Mittel — c´est très chic.
Will es hilft — au gege Ranze
Es boomt so richtig – kasch’s nümme kaufe
10 Kilo verlore nur vom ummelaufe.
Denn probier doch Wego-vy
Dank dr Fasnacht bruchi all das nümme.
Find mi voll sexy und e zimmlig Dünne.
Jä — ohni Wego – vy?
Wär bruucht scho Wego?- mir längt dr Wyy!
Drumm nämme mir no zwai zwai zwai.
Sage nie nai nai nai.
Dr Wyy wirkt in Kürzi,
bruchsch au kai Schprützi.
Nämmet au no zwai, zwai, zwai, zwai,
zwai, zwai, zwai, saget nie nai
und ihr göhnd schöner hai.
|
