Birs­fäl­der Bängg, hit: Spy­yr­hind

Bi dr Boli­zei im Spie­gel­hoof im Käl­ler unde
het men e groos­se Kameel­gno­che gfun­de.
Dä isch gwüss, doo mache mer e Wett,
vo däm Kameel, wo die Tes­las bosch­ted het.

Dr Jonas dräit nur Slips us Öko-Bio-Lii­ne.
Är will bsun­ders grien umwält­be­wusst erschii­ne;
wäscht sich kalt, kocht vega­an, duet gaar nie glet­te
und mit Easy­jet an s Yoga-Mee­ting dschet­te.

Uff You­tube seesch, so kaasch di säl­ber ope­rie­re.
Zeerscht schnydsch duur d Hutt und s Fett, findsch änt­lig dii­ni Nie­re. Süü­fer­li duesch jetz nooch de böö­se Stain­li grif­fe.
Soo spaarsch dr Sälbscht­be­halt, kaasch wiider schmäärz­loos schif­fe.

E soo­ne Yygriff isch nit ooni, mir wuur­de gwüss
nie säl­ber aane­hee­be, näi, mir hät­te Schiss.
S Riisi­koo z gross, d Fol­ge schr­eg­glig, nun­de­fa­a­ne;
s isch ums bro­bie­re: doo muess d Schwi­iger­mam­me aane.

Wält­wit gheie d Agg­zie n aabe – bis in Käl­ler.
Wää­ge Brexit, Trump, Chi­nee­se – immer schnäl­ler.
Die äin­zig Gäld­aa­laag, wo no öppis bringt,
sin Migros­cu­mu­lus- und Kon­si-Suuper-Phünggt.

Ime­ne Schängggrä­is schänggt me sii­be Fründ en Unter­hoo­se.
Die schäng­ge den­ne sii­be Fründ au Hoo­se, – jetz muesch loo­se.
E jee­de schänggt an sii­be Fründ und witer goots esoo.
Und em Änd stöön alli zäm­me ooni Hoo­se doo.

Die Gug­ge daarf witers Negro Rhy­gass häis­se.
Aaber s Nää­ger­li-Loo­go set­te si scho schmäis­se.
Noch groos­sem Gstürm mien si dr Gno­che jetz ver­gäs­se.
Mir Spy­yr­hind hän dää sofo­ort glusch­tig gfräs­se.

Dä Hooch­hu­us­bung­ger hin­te­rem Baan­hoof isch zem gru­use. S Gru­us­le phaggt is au und loot is schier nit pfu­use.
Well d Frau Mar­tul­lo macht is Angscht, daas Horo­or­stugg.
Wenn scho Blo­cher, nääm­te mer lie­ber dr Alti zrugg.

D Baa­sel­world löön sie noo­dis­noo ver­jää­se.
Für d Muuba isch Doo­temäss scho glää­se.
Hal­le-Gäss­le — soo­ne Fuurz kaa jo nit glin­ge.
Au miir dien nit an Abdang­gi­ge sin­ge.

Am Eif­fel­du­urm hets baar Mili­oone draa.
Kaufschs Mili­ooneloos, wottsch lie­ber käi­ni haa.
Bi de Drämm­li­schii­ne kasch die lät­ze see.
Die gröösch­te Nie­te hog­ge bi dr BeeVau­Bee.

Frü­schi Milch diräggt ab Mue­ter­bruscht!
Dr Bree­si­dänt vom Groos­s­root phaggt dr groos­si Fruscht.
Die mäisch­te sin vo dää­re Szeene fas­zi­niert.
Jetz wird döört inne ämmel öppis bro­du­ziert.

Dr Kim Jong Un sti­igt für nach Hanoi in si Zug ii.
Wie uns­ri Gym­na­siasch­te nimmt är nüm­me s Fluugi.
Är wäär gäärn per Baan noch Baa­sel witer­gräist.
Doch är het Schiss, well doo so männ­ge Zuug ent­gläist.

Im Nää­bel Fall­schi­irm­sprin­ge, daas kunnt säl­te guet.
Längsch ine Wäsch­pi­n­äscht, bruuchsch scho zim­lig Muet.
E Vul­ka­a­nus­bruch, – doo settsch di glii ver­schlauf­fe.
S Gfäär­ligscht aaber isch – vorem Baan­hoof umme z lau­fe.

Me säit nit umesunscht: e Bogg isch scham­paar stuur.
E männ­ge n Oggs ischs au, daas wäiss e jee­de Buur.
Vom Eesel isch bekannt, dass er hüf­fig boggt
Und dr Wes­sels boggt und bloggt und hoggt und hoggt.

Sit si vom Ross gheit isch, woors­cyhnts vome­ne Schim­mel.
Gseet d Uri­el­la wyss – jetz isch si im Him­mel.
In dää­re Segg­te goot s abstru­us und gspun­ne zue.
D Minisch­tran­te aaber löön si döört in Rue.