Fasnacht 2020: SPYYRHIND

Wäge dr Bille hets im Wass­er Oestro­geen.
De Män­ner wag­gse Brüscht und nüm­mi alli stöön.
Miir sinn vo däm nit däärewääg bedroffe.
Mir hänn statt Haaneb­u­urg­er mäis­cht­ens Wisse gsoffe.

Letscht Joor häm­mer uns e Gaarte­hüüs­li boscht­ed.
Bis es gstanden isch, hets siibe­moll mee koscht­ed.
Em Blaan­er aaber kaa me blind ver­draue.
Dää duet z Baasel nämm­lig s Biozen­trum baue.

Wäge de Brite gits in Brüs­sel schlächti Luune.
D Frau Merggel zit­tered – voor allem voor de Bru­une.
Depres­siv sin z Baasel Effdee, Cee­Vau, Ess­VauPhee.
No schit­ter­er isch d Stim­mig numme bi dr Bee­VauBee.

Brutschin, Wes­sels, – dien jet­zt nüm­men e soo lang.
Dürr, Cramer, Engel­berg­er ken­nt men au efang.
D Tan­ja Soland, die foot zwoor eerscht grad aa.
Aaber wäär zum Gug­ger isch d Frau Agger­maa?

Jetz häm­mer abso­lut käi­ni Chance mee.
Uns Spyyrhind wird­sch niemolls im Schwiz­er Fäärnsee gsee.
E män­nge Zueschauer wääri hail­loos froo,
es gieng dr Christa Rigozzi au esoo.

Sit 25 Joor dien mir Väärsli singe.
Zem Jubileeum wette mir e «Best of» bringe.
Immene groosse Saal wuurds is scham­paar gfalle.
«Näi, iir sind z gfäärlig», säit d Sant-Jakoob­shalle.

D Cee­VauPhee will s Grischtlige jetz stri­iche.
Und bli­ibe äinewääg die dupflang­wi­ilig gli­iche.
S kadoolisch C muess wägg; es git käi Ersatz.
Drum spi­ile d Gugge jetz uff em Laarab­latz.

Bscht! Händ iir so Thüpe gsee, wo kömme und denn göön.
S daarf niemerts wüsse, dass mir sin­gend voor öich stöön.
Als Bangg läb­sch gfäärlig wäg de Väärs, mir händ nüt z lache.
Bstimmt duet d Crédit Suisse au uns scho überwache.

E Maa, e Frau, zwäi Män­ner, me wäiss es nit so gnau.
Die daarf dää, säl­li säl­li, ob Maa, ob Frau;
dää doo dää döört, ai groos­es Grüüsimüüsi.
Amänd hüü­root­ed s Dante Gläär­li iires Büüsi.

Es säit in Rom dr alti Baap­scht em Baap­scht, em junge:
„Die mäis­chte Sprüüch vo Dir sin halb­wäg­gs gspäs­sig glunge.
Aaber s Zölibaat abschaffe, schloot mer uff e Maage.
Lieber löön mer uns als Män­ner­phaart­ner­schaft iidraage.“

Hän­di, Wanze, Wiire n us em fäärne Oschte;
online, Giz isch gäil; s daarf alles nüt mee koschte.
D Bolit­igg duet däne Bonze no flat­tiere.
Au miir mien d Bointe zeer­scht us Kiina importiere.

S waart­ed äin am Bang­gveräin uff si häärzig Flämm­li.
Si lässt en sitze dru­urig will är heim uff Drämm­li.
Es kun­nt e käins; jä z Basel isch daas öppe soo.
S wiird no schlim­mer: Nit emool d Schi­ine sind mee doo.

Im alte n Egübbde sinn s zää Blooge gsi.
Im Mit­te­lal­ter d Phescht; die isch Gott säi Dangg ver­bii.
Veneed­ig ver­sufft in Durischte, e Riis­eschwet­ti.
Bloog vo Baasel sinn d Eleg­gtro-Drot­tinet­ti.

Em Don­ald Trump duets gaar nit böimig laufe.
So wänd em Dääne Gröön­land nit verkauffe.
Zem Drooscht kön­nte mer, Mis­chter Breesidänt,
Give you graatis the Kan­toon Baasel­länd.

Wo d Petra kut­ted het, gheisch schi­er ab em Stuel.
Bi dr Sabi­ine göön d Kinder nit in d Schuel.
Am Fri­it­ig bli­ibe d Schuel­bängg läär wäge dr Gree­ta.
Stüürme no mee Fraue, gits Anal­fabee­ta.