Birsfälder Bängg 2016 (1)

Fas­nacht 2016

Frei­händig welo­faare und um d Egge schlet­ze
ood­er bim Ziibele schnät­zle kasch di böös ver­let­ze.
S gfäärligscht aaber, s kön­nt di s Lääbe koschte,
rennsch am Spaale­bäärg in so n e blööde Pfos­chte.

E Grim­inelle woont bi uns grad wisawii.
Är soll no schlim­mer als e Schwäärver­bräch­er si.
Är isch en ächte gopfvergässe huere Grüüsel,
Dä het und faart drmit, e soone VauWee Diisel.

Sloweenischs Bulé, Ranzep­fiffe, Sal­mo­nelle;
au s Kalbfläisch mit Hor­moon hättsch nit ässe selle;
Wüürscht gänd Gräbs und s Veg­aane isch is z sti­er,
Als gsun­di Naarig bli­ibt am Ändi nur no s Bier.

Die dütschi WM: säg­gs Mil­ioone und zwoor baar.
„Miir zaale s doppled“, saage d Sche­iche vo Quataar.
S goot als wie witer – au s Comité losst sich schmi­ire
und will dr Moorgesträich in Dubai unde fiire.

Sit Joor­dausige isch s immer wiider s Gli­iche.
Doo git s die Aarme und s git au die Riiche.
Me sott uf dääre Wält mee Grächtigkäit ver­lange.
Isch e Baasel­bi­eter doo – no zaaled em e Stange.

Hän si gwüsst – Star Wars spi­ilt bi uns in Baasel.
Die häl­li Site isch dr Morin mit sim Gfaasel.
S Ruum­schiff ED, daas isch zmitts in d Schuele gracht.
S Baudep isch die dung­gli Site vo dr Macht.

E Frau vom Yus­suf will sich inte­griere;
möcht Schwiz­er Bass als Büürg­ere vo Schliere.
Im Dütschku­urs hets käi Blatz.
S wäär sow­isoo für d Katz.
Jetz duet si halt dr Kiirchebott studiere.
„Zum Schwiz­ere wäärde bruchts bi Allah viil.
Äi Löösig git s, die bringt mi zu mim Ziil.
Mi Buurgga hil­ft mir doo,
dr Schwiz­er­bass z bikoo.
Si muess bliem­led si im Buure­hemm­lis­ti­il.

E Bolizis­cht us Bög­gde grampft wie wild im Gaarte
Vo siin­er Hamf­ph­landaasche duet er Gwünn erwaarte.
Es schafft dr Wes­sels au, bli­ibt flis­sig immer draa.
Nuur schaad, dass me s Ver­keer­sreschi­im nit rauche kaa.

Wäär deponiert scho Kinder in dr Babyglabbe?
E Mamme, wo nit wäiss, wäär isch em Kind si Bappe.
Geschter znacht isch d Füür­weer zem Spi­daal uss­grug­gt.
S het äin si Schwi­iger­mamme in die Glabbe drug­gt.

Bim letschte Väärs het scho wiider kuum äin glacht.
Waas mäined iir, was daas mit unsre Seele macht.
Jet­zt klatsched äntlig und mached uns nit muff.
Sun­scht flüchte mir zur Merggel, die nimmt alli uff.

Ganz in Wiss hän mer uns zue däm Din­er droffe;
Hän zämme Milchri­is gässe, numme Wisse gsoffe.
Äin hän si ame n Egge ganz ver­losse stoo loo.
„He Du,  kunnsch au?“ „Nai lueg mi aa,“ säit dr Embo­lo.

Isch iires Lääbe dig­i­taal mit smart­phone strug­g­turi­ert?
Dr Maage mit em Kielschrangg und dr Kon­si-Äpp ver­net­zt?
Online isch mit dr Maja s Ren­dezvous organ­isiert.
Hesch fümf Bier gsoffe, phibb­st di iPhone: „Settsch go brün­zle – jet­zt.“
Denn hog­gsch im Büüroo voor drei Bild­schi­irm, wettsch e bit­zli Rue.
D Ver­keer­säpp säit eb s Drämm­li faart und wo sich s jetz grad staut.
Well s räägned und bitz dunggel wird göön d Lääde blöt­zlig zue.
Per SMS wiird­sch informiert: Di Welo wird grad glaut.
Apple mäld­ed sich und säit, dass me sofoort update sett.
E What­sapp kun­nt mit Schmüt­zli, Häär­zli, s macht di ganz pher­plex.
Dr Blue­me­fritz, git s nümme, Roose schig­gsch mit Inter­net.
D Hor­moonäpp schribt: „Loos emool, s wäär wiider Zit für Sex.
“ Zweenig Beweegig und zvill Ranze, d Fit­nessäpp seet root.
Gotlett, Spägg und Schingge, käi Salaat, käi gsun­di Köörn­li.
D Bluet­drug­gäpp, die schloot Alaarm: „Di Lääbe isch bed­root.
E Mäldig kun­nt: „S isch reser­wiert – Iire Fri­id­hoof Höörn­li.“

Idee und Muusig: Mani Mat­ter

www.spyyrhind.ch.vu E freie Baasler Schnitzel­bangg,
wo kai­ni Sub­ven­zioone nimmt und ainewääg sit 21 Joor singt.