Dr Kanton Baselbiet griegt dausig Unterhoose.Jetz kenne die in Lieschtel iiri Fiirz lo wyters bloose.
Die buureschlaue, wo am Buurewääg dien woone,Hänn doch scho lengschtens gmerggt, ass sich duet loone,D Abfallmargge vo de Muttenzer sich z’kaufeUnd denne uff die andri Syte z’laufe.So kenne die, han…
Si schwätze scheen, si schryybe guet,Fiir d Zuekunft mache sin is Muet.Denn sinn si gwäält, uffs Amt versässe,Und hänn das alles scho vergässe.
By dr Lindestroos und em Lindewääg,Steen sächzää Ladäärnepfeschte zwääg,Deert kennte die Griene – ych wills nit erzwänge,No logger e Schwetti Plakat uffhänge!
Was dien die immer fiir siibe zwänge?Fimf wo dien schaffe, wurde au länge!
Unsre Proweider isch e Saich,Wo sinn die Daate – y wird blaich,Dasch wirggligg aifach ooberlausig,Und Aarbet hämmer jetz fiir dausig!
Dr Waalkampf lauft scho zimmlig rund:Und d EsVauPee kunnt uf dr Hund.
Was das Böggli nicht backt,kriegt der Oberback nimmermehr gebeckt.
Was das Beggli nicht böckt,kriegt der Oberbock nimmermehr gebacken.
Mänggmool goots halt driiber und drunder,Und denn bassiere bletzligg Wunder.
Si spaare, spaare, druff und druff,Doch d Rächnig goot halt doch nie uff,Wil die wo jommere und verdammere,Sich immer nur ans Alte glammere.
Im Birsparkgarte steen zwai Biebli,Mit iire glaine, blutte Riebli.Das basst nit allne andere,drum mien die bald go wandere.Dr Gartehag dien si jetz schliesse,s kaa kaine mee go Selfie schiesse.
Doo gits ganz iiberhaupt nyt z’muure,dr Chrischtof loot sich nit vergnuure.
D Ess-Vau-Pee fleet uff de Gnai,Dr Chrigel Miesch sait drum nit nai,Jetz hänn si wiider sone Alte,statt ass si Jungi leen lo walte.
D Schwimmhalle isch fiir alli doo,wo gärn wänn go baade goo.Dr Sportzgi derfe alli bruuche,nit nur die fytte, au die duuche.Im Winter denn hetts vyyl mee Scharm,wenns in de Halle…
Y kumm hitznacht glaub nit ins Bett,will dr Diego no e Sprüch.li wett.
Dr Hiltmaa Chrischtof blybt is no erhalte,Miir hoffe ass äär gschiggt duet walte,Wenn äärs e baar Joor duurestoot,Wird äär doch no – villicht — Regierigsroot.
Dr Spaarbyydraag vom Landroot Claudio Botti:Isch — ass är kai Schuelroot wotti.
Y kaa das Spaare nimme gheere,Und due my an däm Spaare steere.Wel s isch nit Spaare, s isch Verzichte,Wo miir is doo mien druff verpflichte!
Si spaare, spaare druff und druff,heert das denn wirgglig nie mee uff?So kunnt Birsfälde uf e Hund,Wär luegt au dass meer yyne kunnt?
Am Määndig dien sy s grosse Ghaimniss lufte,Mien miir fiir d Styyre lenger schufte?Oder kenne miirs no richteUnd uff Wääsentligs verzichte?Hitt leen si d Katz uus iirem Sagg,Schyynts nit e…
Dr Haafe macht e Riisegwinn,Was liggt do fiir Birsfälde drin?Tringgwasserfonds, ebbis fiir Birsfälde?Me miessti sich ganz aifach mälde.Und s Grafftwärgg wurd vom Wasserzins spendiere,Y glaub Birsfälde kennti bald emool rentiere…
Dr Chrischtof in Regierigsroot,die buurgerlige sin in Noot!Und d Sabin denn in Egge stelle,wäär hätt die au no vier Joor welle?Oder sait jetz d’CeVauPee,wär am Schluss dr Huet muess nee?
Vo de Schwyzer Demograatehänn si dr Mirko Meier gnoo,jetz isch är bi dr SVP,wär isch wäm entgege koo?