Fasnacht 2023: Dipflischysser

Im Sum­mer Brünne go bepflanze
im Musi­cal schwimme, und nimme danze
Basel tig­gt ander­scht, Basel kun­nt druss
s Kiffe legal­isiere zahlt sich uss

Dr Pre­miem­i­nis­ter, do muesch loose
wäg­gsle sie z Äng­land, wie d Unterhose
und Unter­hose, die bringe sie hösch
im Har­ry, dä wäscht dräg­gi­gi Wösch

Nai haisst nai oder jo haisst jo
dr Guschti hett Gligg sie hett en glo
stopp sait dä Dubel wosis drybe
de muesch mer do no unterschrybe

My eng­lish is not the yel­low from the egg
aber es reicht für meinen Zweck
ich kann gut deutsch, no eng­lish leider
i love you all, Eliza Baume-Schneider

He Migger sti­ig uss, mach kai Mischt
seg­gle em noch, bisch jo Bolizischt
wart, i nimm s Sag­gmäss­er fiire
mit em Big­gse­effn­er fir d Tesladiire

Bi däm Gen­der­wahnsinn, e guete Root
daufet s Kind Ariel, wenn das goot
ischs gröss­er kas wäh­le, Maa oder Frau
Meer­jungfrau und Wäsch­pul­ver au

E wysse Hai sait, mir goots verschisse
i ha in die blee­di Pipeline bisse
und jet­zt Gas im Ranze, i glaub i spinn
ha gmaint syg rus­sis­che Wod­ka dinn

D Schwobe dien wieder nach Kohle grabe
in Basel grabt me au wyt abe
e Prominänte haig dr Uff­draag geh
dr Dääge suecht Kohle fir e FCB

In Win­terthur, im e Käller unde
hänn sie e alti Mumie gfunde
und se drei Wuche lang präpariert
denn hett sie Benis­si­mo moderiert

Luegsch zer­scht die Beschat­ter a
druff abe isch denn Tschug­ger dra
denn schnur­rt dr Bettware Fis­ch­er dry
no sehn mir is in dr Psychatrie

Z Adel­bode hänn mers gseh
alles grien und weeni Schnee
sisch halt scho so in unsrem Land
die Griene nämme iberhand

Piz­za “Quat­tro Sta­gioni” griege mer nit
wells nimm vier Jooreszyte git
und Piz­za “Mel­oni”, dasch allerhand
isch dunggel­bru­un am rächte Rand

Wo d Arslam an dr Demo Hoor abschnyt
hänn mer däng­gt jet­zt goot sie z wyt
das muess nämm­li, so sehts dry
kul­turel­li Aeignig, an e Bääse sy

sit 41 Joor unterwägs