Bim Lin­de­maa fangt s harm­loos aa und wird denn als wie schlimmer:
holt Grou­pis under d Biini und spee­ter denn uff s Zimmer.
Back­stage isch e groos­si Gfoor und jetz wird s relvant:
Wenn d’mainsch, ass daas nit top­pe kaasch, frogsch mol e Ministrant.

Und s Kohl­manns, daas goot zue und s Meri­an, daas goot zue.
Und im Hotel Baa­sel iisch gli dunggel, wie in dr Blin­de Kue.
E Doo­te­danz vo Bai­ze, do kaa me num­me hoffe:
Bis miir fer­tig gsun­ge hänn, bliibt dää Laade doo no offe.

Lecher, Läärm und Umwääg fir die nägschte Joo­re droot.
D Bau­stell an dr Cla­rastrooss – kai Mensch vers­toot, waas dert so goot.
2040 muess dert fer­tig syy, säll isch garantiert!
Well die Zwai, wo dert draa schaf­fe, wär­de den­ne pensioniert.

In dr Stai­ne, kennt me mai­ne, kaa me nur no Bur­ger ässe.
Kai­ni Lää­den und kai Kino me, gsun­di Menü kaasch vergässe.
Drum bstel­li 20 Bur­ger und drno stimmt s Resultaat:
Pro Bur­ger wenigs­chtens ai Blatt git au e grien Salaat.

Fir e «Tour d Amour» sottsch nach Paris, dert wäär­de d Nächt als zem Speggdaggel.
Git s denn Bett­wan­zen inklu­siv, ändet s Gan­zi im Debaggel.
Driffsch e nät­ti Made­moi­sel­le, e Tipp, dää isch solyyd:
Bivoor ass an d Ver­hie­tig dänggsch, schitz dii mit Peschtizyyd.

Yy spa­zier im Gun­de­li und schwitz, waas gse­en y – halt die Diirm
Yy spa­zier im San­tihans und schwitz e biz, waas gse­en y – halt die Diirm.
Yy spa­zier im Brue­der­holz und schwitz, waas gse­en y – halt die Diirm.
Yy spa­zier im Kly­y­beck – y schwitz im Schlipps, waas gse­en y halt die Diirm.
Bau­et doch dää drit­ti Duurm, mir wuur­de daas begriesse!
Git mee Schat­ten als dää Baum und muesch en au nit giesse.

Well si alt isch, lang­sam breg­ge­let, daarf me nim­mi driiber goo.
Si wuurd die Lascht nimm traa­ge – s sig e z groos­ses Ryysikoo.
Ver­keer isch iigschränggt mee­g­lig, wenn s z viil wird git s Radau.
Y reed nit vor Mar­gre­t­he­brugg – Är schwätzt vo syn­re Frau!

Wenn Dum­mi Dum­mi wää­le, isch s Resul­taat all­wääg no dimmmer
Wenn nur no Dum­mi wää­le, wird s Resul­taat denn als no schlimmer.
Wenn Dum­mi Dum­me saa­ge: «e Dum­me wää­len isch dr Hit!»
Denn isch daas dumm, well s dum­mer­wyys uff dumm kai Poin­te git.

Die Man­gel vo die Fach­kräft, isch voll krass und scho extreem.
Daas Huus­wart hilft die Zaa­n­arzt und boort in dii­ne Zeen.
Dass yych kaa jet­ze Lee­rer syy – Hey Bro, daas isch voll gsteert!
Well waas der­byy kaa uuse­koo, hänn dr jetz graad gheert.

Dr IQ vome Schüt­te­ler isch tra­di­tio­nell nit immer hooch.
Intel­li­gänz, au wenn si kinsch­tlig isch, hilft deert e Bizz­li nooch.
Lek­zio­on ains: Daas isch dr FCB! – Lek­zio­on zwai, e gla­a­re Fall:
Daas Run­de, wo de träf­fe settsch – isch im Fall dr Ball!

Dr Dää­gen isch en armi Sau, muess mit em Gäld fang guet hussiere.
Duet mit Spiiler, wo me kuum no kennt, uff de letsch­te Räng rangiere.
Dr Kas­sier het e riise Fraid: «jetz kann y spaa­re», duet är kichere.
«Well regio­naa­li Grym­pel­duunier muess me nit versichere.»

150 Joor, e Run­de, dr Zoo­li fyyrt ganz kolossaal.
50 Rap­pen Iitritts­bryys isch wie anno dazumaal.
Jubi­lee­um fyyrt au s Ueli Bier, drumm dien miir jetz druff hoffe:
E Bier­bryys wie vor 50 Joor und mit fimf Stutz wärsch scho bsoffe!

Fir s Eva und dr Beat het me s ganz scheen gra­che loo.
Dr Jositsch isch frusch­triert, het gar kai Fescht bikoo.
Bewirb di doch als Ziir­cher-Böög, denn hättsch uff jede Fall
E Fescht mit fimf Minu­te Ruum und en Abgang mit me Knall.

Fasnacht 2024: Dipflischysser
Mattiello am Mittwoch 24/8

Deine Meinung

Diese Website verwendet Akismet, um Spam zu reduzieren. Erfahre mehr darüber, wie deine Kommentardaten verarbeitet werden.